رم - نشر الفنان و المخرج سيف السبيعي رسالة رثاء مؤثرة لزميله الفنان الراحل محمد قنوع الذي شكلت وفاته صدمه في الوسط الفني السوري ..
وتاليا مانشر :


بتعرف شو لك ميمو …!! انا مارح ودعك ما رح اقدر شوفون عم ينزلوك ع مكان بارد و موحش و مظلم … بالعكس … انا رح ضل ناطرك … رح ضل ناطر تتصل فيني و تقلي وينك و قلك وين بدي كون يعني !! بالبيت طبعا و تقوم انت تسألني عندك حدا ؟؟ و قلك لا يلا قوم تعا و تقلي يلا جاييك .. و متل ما وعدتك رح ضل لاقيلك دور مختلف بكل مسلسل رح اعملو … و يقولولي محمد ما بيقدر لانو مرتبط باكتر من عمل و قلن انا معليش مننسقلوا مو مشكلة .. بعدين يقولولي ما زبطت الاوقات لانو عندو سفر كمان …. و ما يزبط الدور .. معليش منبعتلو ب يلي بعدو … و ابعتلك و اتساب و قلك لك يا ميمو ما اتفقنا بعد شومان بالعربجي و بعد مياس ب مال القبان .. انو ما عاد تشتغل شو ما كان !!؟ و انطر ردك … و اخر شي … اذا ما اجيت …. انا جايه لعندك لاني كون مشتقلك كتير … روح هلق … منحكي بعدين
الله معك يا روحي و يا عيوني …. الله معك ..

عدد المشاهدات : (1593)