اسمه الاول على اسم خير الانام ومن عمايله قبل عشرين سنة ما بنام وبطرب على صوت انغام وعلى الدولارات بقضيها حوّام ..


اسمه الثاني على وزن شطور ومن الحسد بشعل بخور وسواقته على قده ما بشيل ايده عن الزامور وراتبه عشرات الآلاف واشوية كسور .

في بريطانيا اله ذكريات وبحب البورصات ... كان بطل بيع المقدرات ومش شاطر بادارة الازمات وفي اليرموك شارك بالمسيرات وعضو غير متفرغ باكبر الجامعات ورئيس مجلس ادارة عشر شركات ..

مصرفي من زمان وبالمركزي كان اله عنوان وكان يخاف ينزل عالبرلمان ..

اسمه مركب تركيب ونال المناصب بالترتيب وبحلم يصير محافظ او نقيب وهو دكتور بس مش طبيب وبجيب اثاثه من الرجيب وشاطر بالترحيب وبالبلقاء اله نصيب .

كان على لوحة الشرف وحياته ما فيها ترف وعلى بدلاته عمره ما صرف ..دائما باسم وطموحة كبير ابصر على ايش راسم .


صاحبنا اليوم بدلل على صحابه ومش قادر يبرر اسبابه وعن الساحة السياسية طال غيابه وما في واحد بهابه وما حدا عمره دق ببابه .

بس اتشوف بتعرف الدنيا مش بخير وما بطعميك لا لحمة ولا طير وبمنصبة من ثمن سنوات ما صار غير ومن منصبه وتقاعداته بده شرطي سير ..

فهل عرفتموه .