رم - على هامش مشاركتها في رالي جميل للسيدات، عبّرت اليوتيوبر رغدة كيومجيان عن حماسها الكبير لكونها مرشحة مجددًا لجائزة Content Creator awards مؤكدة أن دعم جمهورها هو ما يدفعها دومًا للاستمرار.

وقالت رغدة بابتسامتها المعهودة: كتير متحمسة إنه أكون كمان مرة مرشحة، وخلص، عم أحب كيف متابعيني عم يشجعوني، ويلا رح ناخذها! صوتولي كمان.

وتابعت حديثها بشغف واضح: كل مرة بشارك بهيك إشي، بيرجعولي جيش رغدة.. هدول اللي مشيوا معي من البداية، من أيام التصويت والقصص تبعت سديم، فبتحمس كل مرة تطلعلي فرصة أكون فيها مرشحة.

من هو مرشحها المفضل؟
عندما سُئلت رغدة كيومجيان عن الشخصية التي ترى أنها تستحق الجائزة في حال لم تفز هي، أجابت بتواضع ومحبة: محمد عتال حدا كتير مبتكر وشاطر، وبرهوم كمان، الصراحة أي حدا بياخذها رح أكون مبسوطة وبس.

الارتباط والحياة الشخصية

في سؤال حول العلاقات والارتباط، خصوصًا مع دخول كثير من أصدقائها القفص الذهبي، ضحكت رغدة كيومجيان قائلة: صراحة ما كنت متوقعة هاي الأسئلة تيجيني بالبترا برالي! بس هي الفترة عم باخذها فترة استكشاف الذات وحي النفس، بس لا ما في حدا بحياتي حاليًا.

موعد حفل زفاف نور ستارز
عن آخر حفل زفاف حضرته، أشارت رغدة كيومجيان إلى أنه كان زفاف اليوتيوبر نارين، أما عن المناسبات المقبلة، فكشفت: إن شاء الله عرس نور ستارز، عزمتنا ومتحمسة الصراحة، والتاريخ 25/5/2025 كتير حلو، نقت تاريخ ممتاز!

ولم تُخفِ رغدة حماسها، قائلة: كتير متحمسة، البربوزال كان بيجنن، فشو بدك تعمللنا بالعرس يا أوسي؟

عدد المشاهدات : (4353)